Mkazi wa Magomeni Ashinda Gari Ford Ranger Kupitia Kampeni ya Tembocard ni Shwaa ya CRDB

Na Mwandishi Wetu

MKAZI wa Magomeni, Rahabu Mwambene, ameibuka mshindi wa gari aina ya Ford Ranger XLT katika droo ya tatu ya kampeni ya Tembocard ni Shwaa, iliyoandaliwa na Benki ya CRDB.

Droo hiyo imefanyika ikiwa ni ya mwisho katika kampeni hiyo ya miezi mitatu iliyozinduliwa rasmi Februari 14, 2025, ikiwa na lengo la kuwazawadia wateja wa benki hiyo kupitia matumizi ya kadi ya Tembocard.

Akizungumza wakati wa droo hiyo, Bonaventure Paul, Mkurugenzi wa Matawi wa Benki ya CRDB, amesema jumla ya washindi 30 wamepatikana tangu kuanza kwa kampeni hiyo.

“Baada ya kumaliza raundi ya kwanza tuliyowazawadia washindi 12 waliokwenda Mbuga ya Wanyama ya Serengeti wakiwa na wenzao, tuliendelea na droo ya pili iliyotoa washindi watano ambao wataenda Ulaya. Leo tunahitimisha kwa kumzawadia Rahabu Mwambene gari aina ya Ford Ranger,” amesema Bonaventure.

Ameongeza kuwa lengo la kampeni hiyo ni kurudisha kwa jamii na kuthibitisha nafasi ya Benki ya CRDB kama taasisi inayoongoza kwa ubunifu na huduma bora nchini.

“Benki hii imekuwa kiongozi nchini Tanzania kwa ubunifu na huduma za kisasa. Tunaendelea kuvumbua njia mpya za kuwagusa wateja wetu na kuwapa thamani zaidi ya kifedha,” ameongeza.

Kwa upande wake, Ahmed Ally, Balozi wa CRDB na Msemaji wa Klabu ya Simba, amesema kampeni hiyo imevutia wateja wengi, wakiwemo mashabiki wa Simba SC, na kutoa wito kwao kujiunga na benki hiyo.

“Mwana Simba usikae kinyonge, jiungeni na Benki ya CRDB. Pia niwatoe hofu wale ambao hawaamini kuhusu kampeni hizi, waelewe kuwa ni halali na hazina janja janja,” amesema Ahmed.

Kampeni ya Tembocard ni Shwaa ni sehemu ya mkakati wa Benki ya CRDB wa kusherehekea mafanikio na kukuza matumizi ya teknolojia ya kadi kwa njia ya kuvutia na yenye tija kwa wateja wake.

spot_img

Latest articles

OTR na IMF zajadili utendaji wa taasisi za umma

Na Mwandishi Wetu MSAJILI wa Hazina, Nehemiah Mchechu, amekutana na ujumbe wa Shirika la Fedha...

MAAMBUKIZI MAPYA YA VVU YAPUNGUA KUTOKA 98,754 HADI 33,511

Na Tatu Mohamed MAAMBUKIZI mapya ya Virusi vya Ukimwi (VVU) nchini yamepungua kutoka watu 98,754...

MRADI WA UPANUZI WA KITUO CHA KUPOZA UMEME DEGE KUIMARISHA HALI YA UPATIKANAJI WA UMEME KIGAMBONI

📌Wafikia Asilimia 90 katika utekelezaji wake 📌 Kukamilika Mwisho wa Mwezi Disemba 2026 Na Mwandishi Wetu...

GBT yaikaribisha BetSasa sokoni, yaitaka kuzingatia maadili

Na Mwandishi Wetu MKURUGENZI Mkuu wa Bodi ya Michezo ya Kubahatisha (GBT), James Mbalwe ameikaribisha...

More like this

OTR na IMF zajadili utendaji wa taasisi za umma

Na Mwandishi Wetu MSAJILI wa Hazina, Nehemiah Mchechu, amekutana na ujumbe wa Shirika la Fedha...

MAAMBUKIZI MAPYA YA VVU YAPUNGUA KUTOKA 98,754 HADI 33,511

Na Tatu Mohamed MAAMBUKIZI mapya ya Virusi vya Ukimwi (VVU) nchini yamepungua kutoka watu 98,754...

MRADI WA UPANUZI WA KITUO CHA KUPOZA UMEME DEGE KUIMARISHA HALI YA UPATIKANAJI WA UMEME KIGAMBONI

📌Wafikia Asilimia 90 katika utekelezaji wake 📌 Kukamilika Mwisho wa Mwezi Disemba 2026 Na Mwandishi Wetu...