Wadau washauri Mjadala wa Kitaifa Kuhusu Haki za Binadamu na Uhifadhi

Na Mwandishi Wetu, Media Brains

Wadau wa kutetea haki za binadamu na utawala bora wamependekeza kufanyika kwa mjadala wa kitaifa kuhusu haki za binadamu na uhifadhi, wakiamini hatua hiyo itaondoa athari zilizopo sasa, ikiwemo ukiukwaji mkubwa wa haki za binadamu.

Hayo yamebainishwa Juni 28, 2024, jijini Dar es Salaam na Mkurugenzi Mtendaji wa Center for Strategic Litigation, Deus Valentine, wakati wa uzinduzi wa ripoti ya Tuhifadhi Uhai: Ukiukwaji wa Haki za Binadamu Sekta ya Hifadhi Tanzania. Ripoti hiyo imeangazia athari mbalimbali zinazowakumba wananchi wanaozungukwa na hifadhi nchini.

Deus amesema kuwa kadri sekta ya utalii inavyozidi kukua nchini, malalamiko na vilio kuhusu haki za binadamu na haki nyingine zinazohusiana na uhifadhi zimeendelea kuibuka.

“Ingawa sekta ya utalii ni muhimu na imeendelea kuchangia mapato makubwa zaidi ya Dola bilioni 3.6 kwa mwaka, ni sekta muhimu sana ambayo tunatakiwa kulinda na kuikuza kwa ustawi wa taifa letu. Lakini tunapoendelea kuilinda na kuikumbatia sekta hii, ni vema kutambua haki za wale wanaotusaidia kuilinda.

“Tunahitaji mjadala wa kitaifa ili kufanya jamii zinazosaidia uhifadhi kuwa sehemu ya mipango hii, kwani kila mmoja anaathiriwa na shughuli za uhifadhi. Swali ni namna gani tunatambua haki za wahifadhi wa asili; suluhu yake ni kuwa na mjadala wa kitaifa ili kufanya jamii zinazosaidia uhifadhi kuwa sehemu ya mipango hii,” amesema Deus.

Deus ameongeza kuwa, mipango mingi ya maendeleo inatengenezwa kana kwamba jamii zinazozunguka sekta ya uhifadhi siyo sehemu ya sekta yenyewe.

“Licha ya ukweli kuwa kabla ya serikali kuja na kuanzisha utaratibu wa kusimamia hifadhi, maeneo haya yalikuwa yakisimamiwa na wananchi wenyewe kama wahifadhi wa asili,” amesema Deus.

Amesema iwapo tutatambua uwepo na nafasi ya pekee ya jamii zinazozunguka hifadhi zetu, itakuwa rahisi kuondoa malalamiko mengi ambayo yamebebwa na ripoti hiyo.

“Mwaka 2007 tulianzisha sera ya Local Content Policy ikiwa na maana kwamba uwekezaji mkubwa unaokuja nchini unakuwa na manufaa kwa jamii husika. Sasa kama tuliweza kutekeleza hili katika miradi mikubwa, tunaweza pia kulitekeleza kwenye sekta ya uhifadhi,” alisema Deus.

Alitoa mfano wa eneo la Maswa, akisema kuwa kama kuna shughuli za uhifadhi basi watu wanaoishi hapo wanapaswa kunufaika na uwepo wa shughuli hizo.

Mapema, akizungumzia ripoti hiyo, Afisa Mtendaji Mkuu wa Media Brains Inc, Jesse Kwayu, amesema ripoti hiyo imehusisha nchi nzima, Tanzania Bara na Zanzibar, na kuangazia mambo mengi ambayo ni ukiukwaji wa haki za binadamu na kwamba tayari inapatikana kwa njia ya mtandao.

spot_img

Latest articles

Soma Ripoti ya UHIFADHI WA UHAI: UKIUKWAJI WA HAKI ZA BINADAMU NDANI YA SEKTA YA UHIFADHI TANZANIA

Na Mwandishi Wetu, Media Brains Utafiti mpya umebaini kwamba mamlaka za serikali zimekuwa kichocheo kikuu...

RAIS DKT. SAMIA ATOA MAAGIZO KWA BASHE, NFRA KUNUNUA MAHINDI KWA WAKULIMA TSH 700 KWA KILO

Rais wa Jamhuri ya Muungano wa Tanzania, Dkt. Samia Suluhu Hassanamemuagiza Waziri wa Kilimo...

Upi upepo unaoweza kufika Tanzania,wa Wiliam Ruto au Paul Kagame?

KUNA upepo wa aina mbili unavuma katika nchi za Jumuiya ya Afrika Mashariki. Mmoja...

Watu wawili wafariki, 16 wajeruhiwa katika ajali ya basi Songwe

Na Mwandishi Wetu, Media Brains Watu wawili wamefariki dunia na wengine 16 kujeruhiwa baada ya...

More like this

Soma Ripoti ya UHIFADHI WA UHAI: UKIUKWAJI WA HAKI ZA BINADAMU NDANI YA SEKTA YA UHIFADHI TANZANIA

Na Mwandishi Wetu, Media Brains Utafiti mpya umebaini kwamba mamlaka za serikali zimekuwa kichocheo kikuu...

RAIS DKT. SAMIA ATOA MAAGIZO KWA BASHE, NFRA KUNUNUA MAHINDI KWA WAKULIMA TSH 700 KWA KILO

Rais wa Jamhuri ya Muungano wa Tanzania, Dkt. Samia Suluhu Hassanamemuagiza Waziri wa Kilimo...

Upi upepo unaoweza kufika Tanzania,wa Wiliam Ruto au Paul Kagame?

KUNA upepo wa aina mbili unavuma katika nchi za Jumuiya ya Afrika Mashariki. Mmoja...