Polisi wadaiwa kumjeruhi Binti kwa risasi

Mkazi wa Kijiji cha Kewanja Wilaya ya Tarime mkoani Mara, Neema Omari (16), amelazwa katika Hospitali ya Rufaa ya Kumbukumbu ya Mwalimu Nyerere mkoani humo akidaiwa kupigwa risasi miguuni na polisi.

Neema alifikishwa hospitalini hapo Machi 2, 2024 baada ya kupewa rufaa kutoka Hospitali ya Nyamwaga wilayani Tarime alikopelekwa akitokea katika Kituo cha Afya cha Nyamongo ambako pia alipelekwa kwa matibabu baada ya kujeruhiwa.

Akizungumza hospitalini hapo jana Machi 4, 2024, daktari wa kitengo cha mifupa, Elias Nguti alisema baada ya kumfanyia uchunguzi wa awali ilibainika binti huyo ana vipande vya chuma kwenye miguu yote miwili.

“Tulimfanyia upasuaji siku hiyohiyo tukafanikiwa kutoa kipande cha chuma kwenye mguu wa kulia na jana tukafanya tena tukaondoa kwenye mguu wa kushoto, hivi sasa anaedelea vizuri ingawa bado amelazwa hapa hospitalini,” amesema Dk Nguti.

Mama mzazi wa mtoto huyo, Bhoke Chacha amesema tukio hilo lilitokea Februari 29, 2024 saa 12 jioni wakati yeye akiwa njiani akirudi kwenye mgahawa wake alipokuwa amemuacha binti yake, wakati yeye alipokwenda kwenye kikao cha kikundi.

Amesema alimuacha mwanawe huyo mgahawani kwake eneo la Mrwambe katika Kijiji cha Kewanja ili asimamia kazi.

“Nilienda kwenye kikao cha kikundi na kumuacha Neema kwenye mgahawa nikiwa narudi, ghafla tukasikia kelele vijana wakawa wanakimbia, mara likapita gari moja likiwa na askari, wakafyatua risasi ambazo moja kwa moja ziliingia kwenye mgahawa wangu,” amedai mama huyo.

“Na mimi nilivyoona vile, nikaanza kukimbia kuelekea kwenye mgahawa wangu na watu wengine wakawa wanelekea hapo, ghafla yakaja magari mengine manne ya maaskari wakafyatua tena risasi, watu wakaanza kukimbia kila mtu akijaribu kujiokoa, mimi nikafika kwenye mgahawa nikamkuta mtoto amelela chini huku akitokwa na damu nyingi,” anasimulia mama huyo.

Amedai chanzo cha askari hao kufyatua risasi ni kutokana na kudaiwa kulikuwa na vijana waliotaka kuvamia mgodi wa dhahabu wa Barrick North Mara kuokota mawe ya dhahabu.

“Na siku hiyo mvua ilinyesha na kawaida mvua zikinyesha kuna vijana huwa wanaingia mgodini kuokota mawe na pale Mrwambe ni jirani na mgodi,” amesema Chacha.

Neema alivyojeruhiwaAkieleza namna alivyojeruhiwa, Neema anasema akiwa mgahawani anakula chakula, ghafla walisikia mlipuko mkubwa nje ya mgahawa hali iliyomlazimu kukimbia na kufunga mlango.

“Nikiwa ninafunga mlango risasi ilipita kwenye uwazi wa mlango kwa chini na kunipiga kwenye miguu yote miwili hapo hapo nilianguka chini na sikujua kilichoendelea hadi nilipojikuta niko hospitalini,” amesimulia Neema.

Kamanda wa Polisi Kanda Maalum Tarime/Rorya, Mark Njera alipotafutwa azungumzie tukio hilo, simu yake haikupokewa na alipotumiwa ujumbe wa maneno, amejibu kwa ufupi, “niko kikaoni nitatoa taarifa kwenu juu ya tukio hili.”Chanzo: Mwananchi

spot_img

Latest articles

Soma Ripoti ya UHIFADHI WA UHAI: UKIUKWAJI WA HAKI ZA BINADAMU NDANI YA SEKTA YA UHIFADHI TANZANIA

Na Mwandishi Wetu, Media Brains Utafiti mpya umebaini kwamba mamlaka za serikali zimekuwa kichocheo kikuu...

RAIS DKT. SAMIA ATOA MAAGIZO KWA BASHE, NFRA KUNUNUA MAHINDI KWA WAKULIMA TSH 700 KWA KILO

Rais wa Jamhuri ya Muungano wa Tanzania, Dkt. Samia Suluhu Hassanamemuagiza Waziri wa Kilimo...

Upi upepo unaoweza kufika Tanzania,wa Wiliam Ruto au Paul Kagame?

KUNA upepo wa aina mbili unavuma katika nchi za Jumuiya ya Afrika Mashariki. Mmoja...

Watu wawili wafariki, 16 wajeruhiwa katika ajali ya basi Songwe

Na Mwandishi Wetu, Media Brains Watu wawili wamefariki dunia na wengine 16 kujeruhiwa baada ya...

More like this

Soma Ripoti ya UHIFADHI WA UHAI: UKIUKWAJI WA HAKI ZA BINADAMU NDANI YA SEKTA YA UHIFADHI TANZANIA

Na Mwandishi Wetu, Media Brains Utafiti mpya umebaini kwamba mamlaka za serikali zimekuwa kichocheo kikuu...

RAIS DKT. SAMIA ATOA MAAGIZO KWA BASHE, NFRA KUNUNUA MAHINDI KWA WAKULIMA TSH 700 KWA KILO

Rais wa Jamhuri ya Muungano wa Tanzania, Dkt. Samia Suluhu Hassanamemuagiza Waziri wa Kilimo...

Upi upepo unaoweza kufika Tanzania,wa Wiliam Ruto au Paul Kagame?

KUNA upepo wa aina mbili unavuma katika nchi za Jumuiya ya Afrika Mashariki. Mmoja...