Jenista ampongeza Rais Samia kwa kuboresha maslahi ya watumishi

Na Mwandishi Wetu, Media Brains

Waziri wa Nchi Ofisi ya Waziri Mkuu Sera, Bunge na Uratibu, Jenista Mhagama ameipongeza Serikali kwa kuboresha maslahi ya watumishi nchini kwa lengo la kuinua hali zao za kiuchumi ili waweze kumudu gharama za maisha na kutekeleza majukumu yako katika mazigira rafiki.

Makamu Mwenyekiti wa TUGHE, Dk. Jane Madete akimkabidhi Waziri wa Nchi Ofisi ya Waziri Mkuu (Sera, Bunge na Uratibu), Jenista Mhagama tuzo ya kutambua mchango wake kwa wafanyakazi.

Jenista ameyasema hayo wakati akizungumza na ujumbe Chama cha Wafanyakazi wa Serikali na Afya Tanzania (TUGHE) Ofisini kwake Bungeni jijini Dodoma ulioongozwa na Makamu Mwenyekiti wa TUGHE, Dk. Jane Madete ambapo alisema ni dhamira ya Rais wa Awamu ya Sita, Dk. Samia Suluhu Hassan kuhakikisha maslahi ya watumishi yanaboreshwa.

Amesema kuwa kwa kipindi cha muda mfupi Dk. Samia ametekeleza miradi mikubwa ya maendeleo ikiwemo ujenzi wa shule, hospitali, zahanati na kuhakikisha upatikanaji wa vifaa tiba katika maeneo mbalimbali nchini.

“Mheshimiwa Dkt. Samia Suluhu Hassan amekuwa kiongozi mahiri ndani ya kipindi kifupi sisi wenyewe ni mashahidi ametekeleza miradi mikubwa sana ya maendeleo na amekuwa mstari wa mbele kuboresha miundo mbinu ya wafanyakazi ili muweze kutoa huduma vizuri na anawapenda sana wafanyakazi,” alisema Jenista.

Pia Waziri Jenista ameupongeza uongozi wa TUGHE kwa kuendelea kuimarisha Chama hicho kikizingatia misingi na katiba ya chama huku akihimiza ushirikiano baina yao hatua itakayosaidia kuongeza ufanisi katika utekelezaji wa majukumu ya kila siku na kuchochea maendeleo ya Taifa.

“Niwapongeze kwa ziara yenu leo, mmeendelea kusimamia katiba ya chama, kujenga ustahimilivu, kuvumiliana na kujenga umoja ili kuimarisha chama kwahiyo kwa niaba ya Seraikali ninawapongeza sana kwa kazi kubwa mnayoifanya ya kuwaweka watumishi wote pamoja kwa amani,” alipongeza.

Mbunge wa vitu maalumu anayewakilisha wafanyakazi, Janejelly Ntate akizungumza wakati wa Ujumbe wa Viongozi wa TUGHE Ulipomtembelea Waziri wa Nchi Ofisi ya Waziri Mkuu (Sera, Bunge na Uratibu), Jenista Mhagama Ofisini kwake Bungeni jijini Dodoma.

Aidha, aliwasisitiza kuendelea kuzingatia sheria na taratibu za utumishi wa umma pamoja na kufanya kazi kwa moyo wa kujitolea na ubinifu kwa manufaa ya nchi nzima na wananchi kwa ujumla.

“Nitoe wito endeleni kushikimana, kukifanya chama chenu kuheshimika hali itakayovutia kupata wanachama wengi zaidi . Pia mzingatie sheria za nchi pamoja na kuwasisitiza wafanyakazi kufanya kazi kwa bidii na kuwa tayari kuelezea mafanikio yenu na kuishauri Serikali maeneo ambayo inaweza kuboresha,” alieleza.

Kwa upande wake Makamu Mwenyekiti wa TUGHE, Dk. Jane Madete alibanisha kwamba lengo la ziara yao ni kutambua mchango wake mkubwa katika Chama hicho pamoja na kujadili kwa pamoja namna ya kutatua changamoto zinazowakabili wafanyakazi na kuipongeza Serikali katika uboreshaji wa huduma za wananchi.

“Ujio wetu huu ni kupongeza Serikali kwa namna inavyoboresha huduma kwa wananchi husudani sekta ya afya tumeona hospitali nyingi zimejengwa kuanzia katika vijini hadi mikoa na tumemshauri Mhe. Waziri waone umuhimu wa kuwekeza katika miundombinu ya hospitali zilizojengwa kwa muda mrefu ili kurahisisha utoaji wa huduma ya afya kwa wananchi,” alieleza Dk. Jane.

Waziri wa Nchi Ofisi ya Waziri Mkuu (Sera, Bunge na Uratibu), Jenista Mhagama akiwa katika picha ya Pamoja na Ujumbe wa viongozi wa TUGHE uliomtembelea Ofisi kwake Bungeni jijini Dodoma.

Aidha, Mbunge wa Viti Maalum anayewakilisha wafanyakazi, Janejelly Ntate aliwasihi wafanyakazi kuendelea kuiamini Serikali ya Awamu ya Sita kwani imeendelea kutimiza ahadi zake kwa vitendo na kuwataka wafanyakazi kutimiza wajibu wao kwa mujibu wa sheria.

spot_img

Latest articles

Soma Ripoti ya UHIFADHI WA UHAI: UKIUKWAJI WA HAKI ZA BINADAMU NDANI YA SEKTA YA UHIFADHI TANZANIA

Na Mwandishi Wetu, Media Brains Utafiti mpya umebaini kwamba mamlaka za serikali zimekuwa kichocheo kikuu...

RAIS DKT. SAMIA ATOA MAAGIZO KWA BASHE, NFRA KUNUNUA MAHINDI KWA WAKULIMA TSH 700 KWA KILO

Rais wa Jamhuri ya Muungano wa Tanzania, Dkt. Samia Suluhu Hassanamemuagiza Waziri wa Kilimo...

Upi upepo unaoweza kufika Tanzania,wa Wiliam Ruto au Paul Kagame?

KUNA upepo wa aina mbili unavuma katika nchi za Jumuiya ya Afrika Mashariki. Mmoja...

Watu wawili wafariki, 16 wajeruhiwa katika ajali ya basi Songwe

Na Mwandishi Wetu, Media Brains Watu wawili wamefariki dunia na wengine 16 kujeruhiwa baada ya...

More like this

Soma Ripoti ya UHIFADHI WA UHAI: UKIUKWAJI WA HAKI ZA BINADAMU NDANI YA SEKTA YA UHIFADHI TANZANIA

Na Mwandishi Wetu, Media Brains Utafiti mpya umebaini kwamba mamlaka za serikali zimekuwa kichocheo kikuu...

RAIS DKT. SAMIA ATOA MAAGIZO KWA BASHE, NFRA KUNUNUA MAHINDI KWA WAKULIMA TSH 700 KWA KILO

Rais wa Jamhuri ya Muungano wa Tanzania, Dkt. Samia Suluhu Hassanamemuagiza Waziri wa Kilimo...

Upi upepo unaoweza kufika Tanzania,wa Wiliam Ruto au Paul Kagame?

KUNA upepo wa aina mbili unavuma katika nchi za Jumuiya ya Afrika Mashariki. Mmoja...