FCC yatoa elimu ya ulinzi wa mlaji na ushindani wa haki Sabasaba

Na Mwandishi Wetu

Tume ya Ushindani (FCC) imeendelea kutumia Maonesho ya 50 ya Kimataifa ya Biashara ya Dar es Salaam (Sabasaba) kuwaelimisha wananchi na wafanyabiashara kuhusu sheria za ushindani, ulinzi wa mlaji na namna ya kutambua bidhaa bandia, huku ikitoa huduma mbalimbali papo kwa papo.

Mkuu wa Kitengo cha Mawasiliano na Mahusiano kwa Umma wa FCC, Roberta Feruzi, alisema maonesho hayo yameipa tume fursa ya kusogeza huduma karibu na wananchi kwa kupokea na kushughulikia malalamiko, kutoa ushauri wa kisheria pamoja na huduma nyingine zinazotolewa na taasisi hiyo.

Alisema sehemu kubwa ya elimu inayotolewa inalenga kuwajengea wafanyabiashara uwezo wa kuendesha biashara kwa kuzingatia misingi ya ushindani wa haki, kulinda maslahi ya walaji na kuepuka vitendo vinavyokiuka sheria za ushindani.

“Tunataka wafanyabiashara na wananchi wafahamu haki na wajibu wao. Elimu hii inawasaidia kufanya biashara katika mazingira ya ushindani wa haki na kuwapa uwezo wa kutambua na kuripoti bidhaa bandia pamoja na vitendo vinavyowaumiza walaji,” alisema Feruzi.

Alibainisha kuwa tangu kuanza kwa maonesho hayo, FCC imewafikia zaidi ya wajasiriamali 700 kupitia semina na ziara katika mabanda mbalimbali, ambapo wamepatiwa elimu kuhusu ushindani wa biashara, ubunifu na fursa zinazotolewa na Serikali kwa sekta binafsi.

Kwa mujibu wa Feruzi, programu hiyo pia imewahusisha vijana wanaoanzisha biashara (startups), ambao wamehamasishwa kutembelea ofisi za FCC zilizopo Dar es Salaam, Dodoma, Arusha, Mwanza na Mbeya kwa ajili ya kupata ushauri na mwongozo wa kukuza biashara zao.


Alisisitiza kuwa utoaji wa elimu kwa umma utaendelea hata baada ya kumalizika kwa Maonesho ya Sabasaba, ikiwa ni sehemu ya mkakati wa FCC wa kujenga mazingira ya biashara yenye ushindani wa haki na kulinda maslahi ya watumiaji nchini.


Aidha, aliwahimiza wananchi na wadau wa biashara kutembelea banda la Wizara ya Viwanda na Biashara ili kupata elimu na huduma zinazotolewa na FCC pamoja na taasisi nyingine zilizo chini ya wizara hiyo.

spot_img

Latest articles

OTR na IMF zajadili utendaji wa taasisi za umma

Na Mwandishi Wetu MSAJILI wa Hazina, Nehemiah Mchechu, amekutana na ujumbe wa Shirika la Fedha...

MAAMBUKIZI MAPYA YA VVU YAPUNGUA KUTOKA 98,754 HADI 33,511

Na Tatu Mohamed MAAMBUKIZI mapya ya Virusi vya Ukimwi (VVU) nchini yamepungua kutoka watu 98,754...

MRADI WA UPANUZI WA KITUO CHA KUPOZA UMEME DEGE KUIMARISHA HALI YA UPATIKANAJI WA UMEME KIGAMBONI

📌Wafikia Asilimia 90 katika utekelezaji wake 📌 Kukamilika Mwisho wa Mwezi Disemba 2026 Na Mwandishi Wetu...

GBT yaikaribisha BetSasa sokoni, yaitaka kuzingatia maadili

Na Mwandishi Wetu MKURUGENZI Mkuu wa Bodi ya Michezo ya Kubahatisha (GBT), James Mbalwe ameikaribisha...

More like this

OTR na IMF zajadili utendaji wa taasisi za umma

Na Mwandishi Wetu MSAJILI wa Hazina, Nehemiah Mchechu, amekutana na ujumbe wa Shirika la Fedha...

MAAMBUKIZI MAPYA YA VVU YAPUNGUA KUTOKA 98,754 HADI 33,511

Na Tatu Mohamed MAAMBUKIZI mapya ya Virusi vya Ukimwi (VVU) nchini yamepungua kutoka watu 98,754...

MRADI WA UPANUZI WA KITUO CHA KUPOZA UMEME DEGE KUIMARISHA HALI YA UPATIKANAJI WA UMEME KIGAMBONI

📌Wafikia Asilimia 90 katika utekelezaji wake 📌 Kukamilika Mwisho wa Mwezi Disemba 2026 Na Mwandishi Wetu...