NAIBU GAVANA WA BoT ATEMBELEA BANDA LA BODI YA BIMA YA AMANA MAONESHO YA SABASABA DAR ES SALAAM

Na Mwandishi Wetu

NAIBU Gavana wa Benki Kuu ya Tanzania (BoT), Dk. Rahma Salim Mahfoudh, ametembelea banda la Bodi ya Bima ya Amana (DIB) katika Maonesho ya 50 ya Biashara ya Kimataifa ya ya Dar es Salaam yanayoendelea katika viwanja vya Mwalimu Julius Nyerere, Barabara ya Kilwa.

Katika ziara hiyo, Dkt. Mahfoudh alipokelewa na viongozi pamoja na wafanyakazi wa DIB na kupatiwa maelezo kuhusu majukumu ya DIB, huduma inazotoa, na jitihada zinazoendelea kufanywa katika kutoa elimu kwa umma kuhusu Mfumo wa Bima ya Amana.

Aidha, Naibu Gavana alipata fursa ya kufahamu mchango wa Bodi ya Bima ya Amana katika kulinda amana za wateja wa benki na taasisi za fedha, pamoja na kuimarisha uthabiti wa sekta ya fedha nchini.

Akizungumza baada ya kutembelea banda hilo, Dkt. Mahfoudh aliwahamasisha wananchi kujitokeza kwa wingi kutembelea Maonesho ya Biashara ya Kimataifa ya Dar es Salaam ili kujifunza kuhusu huduma mbalimbali zinazotolewa na taasisi za umma, kampuni binafsi na wafanyabiashara wanaoshiriki katika maonesho hayo ikiwemo DIB.

Alieleza kuwa maonesho hayo ni jukwaa muhimu linalowawezesha wananchi kupata elimu, kuona bidhaa na ubunifu mbalimbali, pamoja na kujionea teknolojia mpya zinazotumika kuboresha utoaji wa huduma na kuchochea maendeleo ya uchumi wa nchi.

“Ninawahimiza wananchi kutumia fursa hii kutembelea maonesho haya ili kujifunza mambo mbalimbali kutoka kwa taasisi na kampuni zinazoshiriki. Hapa kuna huduma, bidhaa, ubunifu na teknolojia zinazoweza kuongeza uelewa wao na kuwasaidia kufanya maamuzi sahihi katika shughuli zao za kila siku,” alisema Dk. Mahfoudh.

Kwa upande wake Bi. Joyce Shala ambaye ni Afisa Mwandamizi wa DIB ameeleza kuwa, ushiriki wa Bodi ya Bima ya Amana katika Maonesho ya Sabasaba 2026 unalenga kuendelea kutoa elimu kwa umma kuhusu majukumu ya Bodi katika kulinda amana za wateja wa benki na taasisi za fedha, pamoja na kuongeza uelewa wa wananchi kuhusu umuhimu wa mfumo wa Bima ya Amana katika kudumisha utulivu na kuimarisha imani katika sekta ya fedha.

Aidha, Bi Shala amewakaribisha wananchi wote kutembelea banda la Bodi ya Bima ya Amana katika Maonesho hayo

spot_img

Latest articles

OTR na IMF zajadili utendaji wa taasisi za umma

Na Mwandishi Wetu MSAJILI wa Hazina, Nehemiah Mchechu, amekutana na ujumbe wa Shirika la Fedha...

MAAMBUKIZI MAPYA YA VVU YAPUNGUA KUTOKA 98,754 HADI 33,511

Na Tatu Mohamed MAAMBUKIZI mapya ya Virusi vya Ukimwi (VVU) nchini yamepungua kutoka watu 98,754...

MRADI WA UPANUZI WA KITUO CHA KUPOZA UMEME DEGE KUIMARISHA HALI YA UPATIKANAJI WA UMEME KIGAMBONI

📌Wafikia Asilimia 90 katika utekelezaji wake 📌 Kukamilika Mwisho wa Mwezi Disemba 2026 Na Mwandishi Wetu...

GBT yaikaribisha BetSasa sokoni, yaitaka kuzingatia maadili

Na Mwandishi Wetu MKURUGENZI Mkuu wa Bodi ya Michezo ya Kubahatisha (GBT), James Mbalwe ameikaribisha...

More like this

OTR na IMF zajadili utendaji wa taasisi za umma

Na Mwandishi Wetu MSAJILI wa Hazina, Nehemiah Mchechu, amekutana na ujumbe wa Shirika la Fedha...

MAAMBUKIZI MAPYA YA VVU YAPUNGUA KUTOKA 98,754 HADI 33,511

Na Tatu Mohamed MAAMBUKIZI mapya ya Virusi vya Ukimwi (VVU) nchini yamepungua kutoka watu 98,754...

MRADI WA UPANUZI WA KITUO CHA KUPOZA UMEME DEGE KUIMARISHA HALI YA UPATIKANAJI WA UMEME KIGAMBONI

📌Wafikia Asilimia 90 katika utekelezaji wake 📌 Kukamilika Mwisho wa Mwezi Disemba 2026 Na Mwandishi Wetu...