RAIS SAMIA KUZINDUA BENKI YA USHIRIKA

Na Mwandishi Wetu

Rais Dk. Samia Suluhu Hassan anatarajiwa kuzindua Benki ya Ushirika (Coop BankTanzania), lengo likiwa ni kufufua benki za kijamii zilizofilisika nchini.

Akizungumza na waandishi wa habari leo Aprili 10, Dodoma, Waziri wa Kilimo, Husein Bashe amesema Wizara ilipokea maagizo ya Rais Samia, kuhakikisha benki za kijamii zilizofilisika zinarejea na katika hatua za awali Aprili 28, 2025 Rais anatarajiwa kuzindua Benki ya Ushirika nchini.

Amesema benki hiyo itazinduliwa ikiwa na matawi manne ambayo yanapatikana Dodoma, Mtwara, Kilimanjaro na Tabora.

“Hatua ya pili itahusisha matawi ya Kagera, Mwanza,Dar es Salaam, Mbeya na Katavi.
Mafunzo kwa mawakala yanaendelea hivyo mbali na matawi hayo kutakuwa na mawakala nchi nzima na kabla ya uzinduzi mnamo Aprili 28 kutatanguliwa na kongamano la wanaushirikika Aprili 27,”amesema Bashe.

Amesema, benki nyingi za ushirika zimefilisika na Rais Dk.Samia ameona haja ya kurejesha benki hizo ili kuinua uchumi kwa jamii hususani wa wakulima.

“Lengo hapa ni wakulima na jamii kuwa na benki ambazo zitawasaidia na kuwaondolea adha wanazokutana nazo katika Benki za kibiashara,” amesema.

Waziri Bashe ameongeza kuwa, mbali na hatua hiyo ya uzinduzi wa benki hiyo, Wizara inaendelea na mazungumzo na Wizara ya Fedha na Mipango kuona haja ya kuiacha Benki ya Kilimo (TADB) ifanye kazi zake za msingi za kuwawezesha wakulima.

“TADB ni Benki ya Kilimo si ya biashara hivyo hata mikopo yake inatakiwa isiwe ya kibishara wakulima wetu hawawezi mikopo ya marejesho ya miaka miwili ama mitatu inawaumiza,” amesema.

Ametoa wito kwa washiriki wa mkutano huo kujiandikisha kwa wingi na kutumia fursa hiyo kunufaika na huduma za kibenki zitakazotolewa.

spot_img

Latest articles

Timu ya Taifa kriketi ya wanawake kusaka tiketi ya kucheza Kombe la Dunia

Na Mwandishi Wetu Timu ya Taifa ya wanawake ya mchezo wa kriketi ya Tanzania inatarajiwa...

Ratiba ya Ligi Kuu msimu wa 2025/26 hadharani, Dabi ya Kariakoo Des 13

Na Winfrida Mtoi Bodi ya Ligi Kuu Tanzania Bara(TPLB) leo  Agosti 29, 2025,  imetangaza ratiba...

Gari, Pikipiki, dhahabu, simu janja zaongeza msisimko katika mnada wa Piku

Na Mwandishi Wetu JUKWAA la kidigitali la PIKU linalojulikana kwa kuendesha minada ya kipekee...

TACTIC yaimarisha huduma za usafiri na usafirishaji Manispaa ya Sumbawanga

Na Mwandishi Wetu MRADI wa Uendelezaji Miundombinu ya Miji Tanzania (TACTIC) unaelezwa kuimarisha huduma...

More like this

Timu ya Taifa kriketi ya wanawake kusaka tiketi ya kucheza Kombe la Dunia

Na Mwandishi Wetu Timu ya Taifa ya wanawake ya mchezo wa kriketi ya Tanzania inatarajiwa...

Ratiba ya Ligi Kuu msimu wa 2025/26 hadharani, Dabi ya Kariakoo Des 13

Na Winfrida Mtoi Bodi ya Ligi Kuu Tanzania Bara(TPLB) leo  Agosti 29, 2025,  imetangaza ratiba...

Gari, Pikipiki, dhahabu, simu janja zaongeza msisimko katika mnada wa Piku

Na Mwandishi Wetu JUKWAA la kidigitali la PIKU linalojulikana kwa kuendesha minada ya kipekee...