Serikali yashauri wakulima kuweka akiba ya chakula

Na Mwandishi Wetu, Media Brains

Katibu Mkuu Wizara ya Kilimo, Gerald Mweli ametoa rai kwa wakulima nchini kuendelea kuweka akiba ya mazao ya chakula kwa ajili ya kukidhi familia zao pamoja na Serikali kufungua wigo kwa wakulima kufanya kilimo biashara kwa kuuza mazao yao nje ya nchi.

Katibu Mkuu Wizara ya Kilimo, Gerald Mweli.

Mweli ametoa rai hiyo Agosti 30, jijini Dar es Salaam katika Mdahalo wa kujadili fursa na changamoto zitokanazo na mkutano wa Jukwaa la Mifumo ya Chakula Afrika (AGRF) ulioshirikisha Wahariri na Waandishi wa Habari na Taasisi za Fedha kwa kushirikiana na Kampuni ya Habari Media Brains (MB) inayomiliki pia tovuti hii.

Amesema wizara imeamua kufanya kilimo kuwa biashara ili kumsaidia mkulima kuweza kuwa huru katika biashara zake na kujikwamua kiuchumi.

“Tumefanya kilimo kuwa biashara kwa kufungua mipaka ili kila mfanyabiashara awe huru kuuza mazao yake lakini kabla hujauza ahakikishe ameweka chakula cha kutosha kwa ajili ya familia,” amesema Mweli.

Akielezea mpango wa Jenga kesho iliyobora (BBT) amesema uwepo wa BBT ni kupunguza changamoto ya ukosefu wa ajira kwa vijana ambapo Serikali imeanza kutumia vijana na wanawake kwenye mpango huo.

Amesema katika mpango wa BBT vijana na wanawake wanapatiwa ardhi kwa ajili ya kulima mbegu bora na kuwatafutia masoko.

“Tumefanya tathimini ya kutosha ili kupunguza changamoto ya ajira na vijana na wengi kutojihusisha na kilimo ndipo tulipojua changamoto na serikali kuanza kulifanyia kazi ndipo ilipokuja swala la BBT kilimo,” ameeleza Mweli.

Amesema changamoto walizokuwa nazo vijana ndio imekuwa fursa kwenye mpango wa BBT-KILIMO kwa kutoa mitaji kwa vijana, masoko na kuboresha Teknolojia.

Ameongeza kuwa wakulima wadogo ndio kichocheo cha uwepo wa chakula cha kutosha nchini.

Amesema katika mpango wa BBT haujaacha wakulima wadogo ambao tayari walishaingia kwenye kilimo wanaendelea kuwajengea uwezo na kuboresha miundombinu ili kuweza kulima kitaalam na kuweza kulima kibiashara.

Akizungumzia Mweli kuhusu fursa zitakazopatikana kutokana na mkutano wa AGRF kwa wakulima wadogo amesema mkutano huo utakutanisha wadau mbalimbali wa kilimo hivyo wataweza kuongeza thamani ya mazao yao lakini pia kujitangaza kimataifa na kupata masoko ya nje

Amesema utayari wa nchi kulisha Dunia unachochewa zaidi na wakulima wadogo ambapo Serikali inaendelea kuwaboreshea miundombinu ikiwemo kuendelea kuwajengea mabwawa makubwa ya maji kwa ajili ya kufanya kilimo cha umwagiliaji lakini pia kutoa mbolea za ruzuku kwa kila zao.

Aidha, amesema uwepo wa mkutano wa AGRF nchini umechagizwa na sababu mbalimbali ikiwemo utayari wa nchi kulisha dunia lakini pia kupanda kwa bajeti ya izara ya kilimo kutoka Bilioni 298 hadi bilion 979 kwani imepelekea ufanisi mkubwa katika sekta ya kilimo.

Naye, Katibu Mkuu Wizara ya Mifugo na Uvuvi, Riziki Shemdoe amesema mkutano huo ni mara ya kwanza kufanyika nchini mwaka jana ulifanyika nchini Rwanda, fursa za uwekezaji zilizopo ni vema kuwekeza nguvu kwenye mkutano huo.

Kwa upande wao wadau wa taasisi za fedha mbalimbali ikiwemo Benki ya CRDB, NMB, NBC na EQUITY BANK wamesema kuwa wataendelea kusapoti wakulima ili kuboresha sekta ya kilimo ili nchi kuendelea kuwa na chakula cha kutosha na kufikia lengo la kulisha dunia.

spot_img

Latest articles

Soma Ripoti ya UHIFADHI WA UHAI: UKIUKWAJI WA HAKI ZA BINADAMU NDANI YA SEKTA YA UHIFADHI TANZANIA

Na Mwandishi Wetu, Media Brains Utafiti mpya umebaini kwamba mamlaka za serikali zimekuwa kichocheo kikuu...

RAIS DKT. SAMIA ATOA MAAGIZO KWA BASHE, NFRA KUNUNUA MAHINDI KWA WAKULIMA TSH 700 KWA KILO

Rais wa Jamhuri ya Muungano wa Tanzania, Dkt. Samia Suluhu Hassanamemuagiza Waziri wa Kilimo...

Upi upepo unaoweza kufika Tanzania,wa Wiliam Ruto au Paul Kagame?

KUNA upepo wa aina mbili unavuma katika nchi za Jumuiya ya Afrika Mashariki. Mmoja...

Watu wawili wafariki, 16 wajeruhiwa katika ajali ya basi Songwe

Na Mwandishi Wetu, Media Brains Watu wawili wamefariki dunia na wengine 16 kujeruhiwa baada ya...

More like this

Soma Ripoti ya UHIFADHI WA UHAI: UKIUKWAJI WA HAKI ZA BINADAMU NDANI YA SEKTA YA UHIFADHI TANZANIA

Na Mwandishi Wetu, Media Brains Utafiti mpya umebaini kwamba mamlaka za serikali zimekuwa kichocheo kikuu...

RAIS DKT. SAMIA ATOA MAAGIZO KWA BASHE, NFRA KUNUNUA MAHINDI KWA WAKULIMA TSH 700 KWA KILO

Rais wa Jamhuri ya Muungano wa Tanzania, Dkt. Samia Suluhu Hassanamemuagiza Waziri wa Kilimo...

Upi upepo unaoweza kufika Tanzania,wa Wiliam Ruto au Paul Kagame?

KUNA upepo wa aina mbili unavuma katika nchi za Jumuiya ya Afrika Mashariki. Mmoja...