Mfugaji Dodoma atambulisha kuku wa kipekee ‘Ayam Cemani’ kutoka Indonesia

Na Tatu Mohamed, Dodoma

MFUGAJI na mtaalamu wa kilimo na mifugo kutoka jijini Dodoma, Christopher Dioniz, ametambulisha aina ya kuku wa kipekee wa kisasa wanaojulikana kama Ayam Cemani kutoka Indonesia, ambao sasa wanapatikana jijini Dodoma.

Akizungumza l katika Maonesho ya Wakulima na Wafugaji Kitaifa (Nanenane) yanayoendelea katika viwanja vya Nzuguni, Dioniz amesema kuwa kuku hao si wa kawaida, bali wanajulikana kwa thamani yao kubwa ya kiafya na lishe, hasa katika mataifa ya Indonesia na China.

“Kuku wa Ayam Cemani wanaaminika kusaidia afya ya binadamu kutokana na virutubisho vya pekee vilivyopo kwenye nyama yao,” amesema.

Aidha, Dioniz amesema kuwa anajihusisha pia na ufugaji wa kuku wa kienyeji, huku akibainisha kuwa moja ya mafanikio yake yanatokana na matumizi ya chakula cha kuku chenye ubora wa hali ya juu kinachoitwa Rehoboth Animal Feeds, kinachozalishwa na timu yake jijini Dodoma.

“Tunatengeneza chakula kulingana na mahitaji ya aina mbalimbali za kuku wa kienyeji, wa nyama, na chotara. Pia tunatoa mafunzo ya kutengeneza chakula hicho kwa kutumia fomula maalum pamoja na elimu ya ufugaji wa kuku kwa ujumla,” ameongeza.

Mbali na hilo, Dioniz amesema kuwa wanauza pia vifaa vyote vinavyohitajika katika ufugaji wa kuku, na katika maonesho hayo wamewasilisha bidhaa mbalimbali za vyakula vya mifugo kwa ajili ya kuwahudumia wafugaji wanaotafuta ubora.

Ametoa wito kwa wafugaji kote nchini kuhamia katika mfumo wa ufugaji wa kisasa unaozingatia lishe bora na mbinu sahihi za utunzaji wa kuku, ili kuongeza tija, afya ya mifugo na kipato chao kupitia sekta ya mifugo.

spot_img

Latest articles

Timu ya Taifa kriketi ya wanawake kusaka tiketi ya kucheza Kombe la Dunia

Na Mwandishi Wetu Timu ya Taifa ya wanawake ya mchezo wa kriketi ya Tanzania inatarajiwa...

Ratiba ya Ligi Kuu msimu wa 2025/26 hadharani, Dabi ya Kariakoo Des 13

Na Winfrida Mtoi Bodi ya Ligi Kuu Tanzania Bara(TPLB) leo  Agosti 29, 2025,  imetangaza ratiba...

TACTIC yaimarisha huduma za usafiri na usafirishaji Manispaa ya Sumbawanga

Na Mwandishi Wetu MRADI wa Uendelezaji Miundombinu ya Miji Tanzania (TACTIC) unaelezwa kuimarisha huduma...

Hizi ndizo hisia dhidi ya INEC, Msajili wa Vyama vya Siasa

KATIKA safu hii wiki iliyopita niliandika uchambuzi nikihoji, ‘INEC, Msajili wa Vyama wanaweza kutupa...

More like this

Timu ya Taifa kriketi ya wanawake kusaka tiketi ya kucheza Kombe la Dunia

Na Mwandishi Wetu Timu ya Taifa ya wanawake ya mchezo wa kriketi ya Tanzania inatarajiwa...

Ratiba ya Ligi Kuu msimu wa 2025/26 hadharani, Dabi ya Kariakoo Des 13

Na Winfrida Mtoi Bodi ya Ligi Kuu Tanzania Bara(TPLB) leo  Agosti 29, 2025,  imetangaza ratiba...

TACTIC yaimarisha huduma za usafiri na usafirishaji Manispaa ya Sumbawanga

Na Mwandishi Wetu MRADI wa Uendelezaji Miundombinu ya Miji Tanzania (TACTIC) unaelezwa kuimarisha huduma...