Adaiwa kumuua mtalaka wake kwa panga kisa nguvu za kiume

Na Mwandishi Wetu

JESHI la Polisi mkoani Lindi linamshikilia Hassan Athuman Mpogo (46), mvuvi na mkazi wa Kata ya Somanga wilayani Kilwa, kwa tuhuma za kumuua kwa kumkata na panga mke wake wa zamani, Aisha Mkimbizi (41), mjasiriamali wa biashara ya samaki.

Kwa mujibu wa Kamanda wa Polisi Mkoa wa Lindi, ACP John Imori, mtuhumiwa alitekeleza tukio hilo baada ya kuamini taarifa alizopewa na mganga wa kienyeji kuwa marehemu alikuwa akimloga na kusababisha kuishiwa nguvu za kiume.

Amesema tukio hilo lilitokea Aprili 26, saa 12 asubuhi, wakati marehemu akitoka Somanga kuelekea baharini kwa shughuli zake za biashara ya samaki. Inadaiwa mtuhumiwa alimvamia na kumkata kwa mapanga, hali iliyosababisha kifo chake akiwa njiani kupelekwa kituo cha afya.

Jeshi la Polisi linamshikilia pia mganga wa kienyeji, Haji Said Nguvunze (46), mkazi wa Somanga, ambaye amekiri kumweleza mtuhumiwa kuwa mke wake waliyetalikiana ndiye anayemloga.

Polisi wametoa wito kwa wananchi kuachana na imani za kishirikina na kuamini ramli chonganishi zinazosababisha madhara kwa watu wasio na hatia.

Adaiwa kumuua mtalaka wake kwa panga kisa nguvu za kiume

Latest articles

Sangweni: Sekta ya Mafuta na Gesi Ni Chachu ya Ukuaji wa Uchumi wa Taifa

VETA Kihonda yaja ‘cold room’ kupunguza upotevu wa mazao ya wakulima

Ofisi ya Msajili wa Hazina yalenga kukusanya Sh2 trilioni mwaka 2026/27

MAULIDI KITENGE AUNGANA NA TANESCO KUHAMASISHA NISHATI SAFI YA KUPIKIA KWA UMEME

More like this

Sangweni: Sekta ya Mafuta na Gesi Ni Chachu ya Ukuaji wa Uchumi wa Taifa

VETA Kihonda yaja ‘cold room’ kupunguza upotevu wa mazao ya wakulima

Ofisi ya Msajili wa Hazina yalenga kukusanya Sh2 trilioni mwaka 2026/27